წესები და პირობები

ძალაშია 2026 წლის 12 სექტემბერი

TacFlow AI არის AI-კონტენტის შექმნის, დაგეგმვისა და ანალიზის პლატფორმა. ეს დოკუმენტი ხელშეკრულებაა შენსა და ჩვენს შორის — გთხოვთ, წაიკითხო სანამ დარეგისტრირდები.

01ვინ ვართ

TacFlow AI-ს ოპერირებას ახორციელებს ინდივიდუალური მეწარმე მიქაელ დიასამიძე (საიდენტიფიკაციო ნომერი 01008059967) — ქვემოთ „ჩვენ" ან „TacFlow AI".

საკონტაქტო ელფოსტა: TacFlowAi.info@gmail.com

ეს წესები იურიდიულად სავალდებულო ხელშეკრულებაა. პლატფორმის გამოყენებით — რეგისტრაციით, შესვლით ან ნებისმიერი ფუნქციის გამოყენებით — შენ ეთანხმები მათ. თუ არ ეთანხმები, გთხოვთ, არ ისარგებლო სერვისით.

ამ წესების განუყოფელი ნაწილია კონფიდენციალურობის პოლიტიკა.

02ტერმინები

პლატფორმა / სერვისი — ვებგვერდი tacflowai.com, სამუშაო სივრცე და ყველა თანმდევი ფუნქცია.
მომხმარებელი / შენ — ფიზიკური ან იურიდიული პირი, რომელსაც აქვს ანგარიში.
სამუშაო სივრცე — შენი კომპანიის იზოლირებული სივრცე პლატფორმაზე.
კრედიტი — შიდა საანგარიშო ერთეული, რომლითაც იზომება AI-გენერაციის მოხმარება. კრედიტი არ არის ფული, არ არის ვალუტა და არ ექვემდებარება განაღდებას.
შენი კონტენტი — ყველაფერი, რასაც ტვირთავ ან წერ: პროდუქტის ფოტოები, ლოგოები, ბრენდის მასალა, ტექსტები, დავალებები.
დაგენერირებული კონტენტი — ფოტო, ვიდეო ან ტექსტი, რომელსაც პლატფორმა ქმნის შენი დავალებით.

03ვის შეუძლია სარგებლობა

ჩვენ არ ვდებთ ასაკობრივ ზღვარს — პლატფორმა ღიაა ნებისმიერი ასაკის მეწარმისთვის.

თუ 18 წელს არ ხარ მიღწეული:

ხელშეკრულების დასადებად საჭიროა შენი კანონიერი წარმომადგენლის (მშობლის ან მეურვის) თანხმობა;
რეგისტრაციით შენ ადასტურებ, რომ ასეთი თანხმობა გაქვს;
ფასიანი პაკეტის შეძენა და ბარათით გადახდა უნდა მოხდეს კანონიერი წარმომადგენლის ნებართვით.

დამატებით: ყოველ სოციალურ ქსელს საკუთარი ასაკობრივი ზღვარი აქვს (Instagram და Facebook — 13 წელი, LinkedIn — 16 წელი). ანგარიშის დასაკავშირებლად შენ თავად უნდა აკმაყოფილებდე იმ პლატფორმის მოთხოვნას — ამას ჩვენ ვერ ვამოწმებთ.

04ანგარიში და უსაფრთხოება

რეგისტრაციისას ვალდებული ხარ მიუთითო სწორი და სრული ინფორმაცია.
რეგისტრაციის შემდეგ ელფოსტის დადასტურებაა საჭირო — გამოგზავნილ კოდს შეიყვან პლატფორმაზე. დადასტურებამდე გენერაცია და დაგეგმვა დახურულია. ეს გვჭირდება იმისთვის, რომ ინვოისი, გადახდის შეტყობინება და უსაფრთხოების გაფრთხილება მართლა მოგწვდეს.
პაროლის საიდუმლოებაზე პასუხისმგებელი ხარ შენ. შენი ანგარიშიდან შესრულებული ნებისმიერი ქმედება შენ გეკუთვნის.
პაროლებს ჩვენ ღიად არ ვინახავთ — ინახება მხოლოდ კრიპტოგრაფიული ჰეში (argon2). ეს ნიშნავს, რომ დაკარგულ პაროლს ვერ გეტყვით, მხოლოდ აღდგენას შეგთავაზებთ.
თუ ეჭვობ, რომ ანგარიშზე უცხო პირმა მიიღო წვდომა, დაუყოვნებლივ გვაცნობე TacFlowAi.info@gmail.com-ზე.
ერთი ანგარიშის რამდენიმე ადამიანთან გაზიარება, პაკეტის მომხმარებელთა ლიმიტის გვერდის ავლის მიზნით, აკრძალულია.

05რას აკეთებს პლატფორმა

TacFlow AI საშუალებას გაძლევს:

აღწერო, რა გინდა — და მიიღო AI-ით შექმნილი ფოტო ან ვიდეო შენი პროდუქტით;
მიიღო ცალკე მომზადებული ტექსტი და ჰეშთეგები თითოეული სოციალური ქსელისთვის ცალ-ცალკე — ერთი გენერაცია იძლევა ერთ მედიას და ტექსტს ყველა მხარდაჭერილი პლატფორმისთვის;
დაგეგმო და გამოაქვეყნო პოსტები დაკავშირებულ ანგარიშებზე;
ნახო შედეგების ანალიტიკა.

დღეისათვის მხარდაჭერილი პლატფორმებია Instagram, Facebook და LinkedIn. სია შეიძლება შეიცვალოს.

როდესაც პროდუქტის ფოტოებს ურთავ, ისინი AI-მოდელს გადაეცემა როგორც სანიმუშო გამოსახულება, რათა შენი პროდუქტი ზუსტად იყოს ასახული — ფორმა, პროპორციები, მასალა, ფერები და ეტიკეტი. თუ არჩეული მოდელი ფოტოს ვერ კითხულობს, სისტემა ამის შესახებ ბარათზე გაფრთხილებას გაჩვენებს.

06კრედიტები

რეგისტრაციისას ანგარიში იღებს 100 უფასო სატესტო კრედიტს. ეს კრედიტი ერთჯერადია, არ განახლდება, არ არის შეძენილი და არ ანაზღაურდება. უფასო ტესტირებისას ხელმისაწვდომია მხოლოდ ფოტოს გენერაციის შეზღუდული ნაკრები და დამატებითი კრედიტის შეძენა შეუძლებელია — ორივე იხსნება პაკეტის გააქტიურებისთანავე.
უფასო ტესტირება სრულდება 14 დღეში ან სატესტო კრედიტის ამოწურვისას — რომელიც უფრო ადრე დადგება. პაკეტის შეძენისას სატესტო კრედიტი იცვლება პაკეტის კრედიტით (არ ჯამდება), ხოლო უფასო ტესტირება ერთ ანგარიშზე მხოლოდ ერთხელაა ხელმისაწვდომი.
ყოველი პაკეტი მოიცავს თვიურ კრედიტს, რომელიც ანგარიშსწორების თარიღზე განულდება და ხელახლა დაირიცხება. გამოუყენებელი თვიური კრედიტი შემდეგ თვეში არ გადადის.
დამატებით შეძენილი კრედიტი (top-up) ცალკე ინახება და მოქმედია 90 დღე შეძენის დღიდან. ამ ვადაში გამოუყენებელი დამატებითი კრედიტი ბათილდება. ყოველი შენაძენი ცალკე ითვლის ამ ვადას — ახალი შეძენა უკვე ნაყიდი კრედიტის ვადას არ ახანგრძლივებს.
ჯერ იხარჯება თვიური კრედიტი, შემდეგ — დამატებითი.
ბალანსსა და დამატებითი კრედიტის ვადის ამოწურვის თარიღს პლატფორმაზე ნებისმიერ დროს ხედავ.
კრედიტი გენერაციის დაწყებამდე ჩამოიჭრება. თუ გენერაცია ტექნიკური მიზეზით ვერ შესრულდა, კრედიტი ავტომატურად უბრუნდება შენს ბალანსს.
კრედიტი არ არის ფული: არ განაღდდება, არ გადაეცემა სხვა ანგარიშს და ანგარიშის დახურვისას არ ანაზღაურდება.
პოსტების დაგეგმვა და გამოქვეყნება კრედიტს არ ხარჯავს.
ერთი გენერაციის ღირებულება დამოკიდებულია არჩეულ მოდელზე, ხარისხსა და ხანგრძლივობაზე. მიმდინარე ტარიფები პლატფორმაზეა ნაჩვენები.

07პაკეტები, ფასები და გადახდა

პაკეტი	თვიური	კრედიტი/თვე	ბრენდი	მომხმარებელი
Starter	₾59	540	1	1
Plus	₾139	1 500	3	3
Ultra	₾299	3 500	10	5

წლიური გადახდისას Plus −15%, Ultra −20% (კრედიტების რაოდენობა იგივე რჩება). Starter-ს წლიური ფასდაკლება არ აქვს.

დამატებითი კრედიტი: 300 კრედიტი — ₾29, 1 000 კრედიტი — ₾89. შეძენილი დამატებითი კრედიტი მოქმედია 90 დღე შეძენის დღიდან.

როგორ ხდება გადახდა

ყველა ფასი მითითებულია ქართულ ლარში (GEL). ვალუტის კონვერტაცია არ ხდება და დამალული საკომისიო არ არსებობს.
გადახდა ხორციელდება საქართველოს ბანკის დაცულ გვერდზე. ბარათის ნომერს ჩვენ არასდროს ვხედავთ და არ ვინახავთ — მას მთლიანად ბანკი ამუშავებს.
ბანკის მხარეს მოქმედებს ბარათის ავთენტიფიკაცია (3-D Secure), ბანკის წესების შესაბამისად.
გადახდის შედეგს ბანკი გვიბრუნებს ხელმოწერილი შეტყობინებით. ჩვენი სისტემა ხელმოწერას ყოველ ჯერზე ამოწმებს და მხოლოდ ამის შემდეგ ააქტიურებს პაკეტს.
წარმატებული გადახდის შემდეგ ელფოსტაზე მიიღებ დადასტურებას.

ვერასდროს ჩამოგეჭრება პაკეტის ფასზე მეტი. ლიმიტის ამოწურვის შემდეგ სისტემა გენერაციას უბრალოდ აჩერებს — ავტომატური „დამატებითი მოხმარების" ანგარიშსწორება არ არსებობს. დამატებითი კრედიტი მხოლოდ მაშინ ჩამოგეჭრება, თუ შენ თავად შეიძენ.

08ავტომატური განახლება

პაკეტის შეძენისას შენ ეთანხმები, რომ გამოწერა ავტომატურად განახლდეს და შემდეგი პერიოდის თანხა ავტომატურად ჩამოიჭრას.

თვიური პაკეტი განახლდება ყოველთვე, იმავე რიცხვში, როცა პირველად გადაიხადე. წლიური პაკეტი — წელიწადში ერთხელ, იმავე თარიღზე.
ჩამოიჭრება იმ პაკეტის მიმდინარე ფასი, რომელიც აქტიური გაქვს. თანხა და შემდეგი გადახდის თარიღი ყოველთვის ჩანს პარამეტრები → გამოწერა-ში.
ვადის ამოწურვამდე ერთი კვირით ადრე გამოგიგზავნით შეხსენებას ელფოსტაზე, შემდეგ — ყოველ ორ დღეში ერთხელ, სანამ საკითხი არ გადაწყდება.
ბანკს ჩვენგან მუდმივი დავალება არ აქვს. ყოველი ჩამოჭრის ინიციატორი ჩვენი სისტემაა — შესაბამისად, გაუქმება ნიშნავს, რომ ჩვენ უბრალოდ აღარ ვიწყებთ ჩამოჭრას.
თუ ბარათმა უარი თქვა ან ბარათი შენახული არ არის, პაკეტი ჩერდება: ფასიან ფუნქციებზე წვდომა იზღუდება, ხოლო შენი მონაცემები რჩება.

ფასის ცვლილების შესახებ გაცნობებთ მინიმუმ 30 დღით ადრე. ახალი ფასი ამოქმედდება მხოლოდ მომდევნო პერიოდიდან და შეგიძლია მანამდე გააუქმო გამოწერა.

09გაუქმება

გამოწერის გაუქმება შეგიძლია ნებისმიერ დროს, თავად — სამუშაო სივრცეში, განყოფილებაში პარამეტრები → გამოწერა. ღილაკი ხელმისაწვდომია ანგარიშის მფლობელისთვის.

გაუქმებისას:

დღეს არაფერი იცვლება — პაკეტი სრულად მუშაობს გადახდილი პერიოდის ბოლომდე;
ამ თარიღის შემდეგ პაკეტი დაიხურება და შემდეგი თანხა აღარ ჩამოგეჭრება;
შენი კრედიტი პერიოდის ბოლომდე რჩება და შეგიძლია გამოიყენო;
გადაწყვეტილების შეცვლა შეგიძლია პერიოდის დასრულებამდე ნებისმიერ დროს — ერთი დაჭერით;
პაკეტის დასრულებისას ბანკში შენახული ბარათის იდენტიფიკატორი სამუდამოდ იშლება ჩვენი სისტემიდან.

გაუქმებას ვიღებთ მხოლოდ პლატფორმის საშუალებით. ელფოსტით ან ტელეფონით გამოგზავნილი მოთხოვნა არ ჩაითვლება გაუქმებად — ეს შენივე დაცვისთვისაა, რომ ანგარიშს სხვამ ვერ დაუხუროს.

10თანხის დაბრუნება

მიმდინარე პერიოდის თანხა უკან არ ბრუნდება — არც გაუქმებისას, არც პაკეტის შემცირებისას, არც გამოუყენებელი დღეებისთვის.
გამონაკლისი: თუ თანხა ჩამოიჭრა ტექნიკური შეცდომით (მაგალითად, ორმაგი ჩამოჭრა), ჩვენ მას სრულად დავაბრუნებთ.
კრედიტი, რომელიც წარუმატებელი გენერაციის გამო დაბრუნდა, ბრუნდება კრედიტის სახით, არა ფულად.

დაბრუნების მოთხოვნა გამოგზავნე TacFlowAi.info@gmail.com-ზე. პასუხს გაგცემთ 10 სამუშაო დღეში.

11შენი კონტენტი და უფლებები

შენი კონტენტი შენი რჩება. ჩვენ მასზე საკუთრებას არ ვიცხადებთ.
ტვირთვით შენ გვაძლევ შეზღუდულ ლიცენზიას — შევინახოთ, დავამუშავოთ და გადავცეთ იგი AI-პროვაიდერებსა და გამოქვეყნების სერვისს მხოლოდ იმისთვის, რომ შენ მოთხოვნილი მომსახურება მიიღო. სხვა მიზნით არ ვიყენებთ.
შენ იძლევი გარანტიას, რომ ატვირთულ მასალაზე გაქვს საჭირო უფლებები — მათ შორის ფოტოებზე, ლოგოებზე, სასაქონლო ნიშნებზე და გამოსახულ ადამიანებზე.
ჩვენ არ ვიყენებთ შენს კონტენტს საკუთარი AI-მოდელების საწვრთნელად.
სტილის ერთჯერადი ნიმუში, რომელსაც ერთი გენერაციისთვის ტვირთავ, არ ინახება ჩვენს სამძებრო ბაზაში — ის მხოლოდ იმ ერთ გენერაციაში მონაწილეობს.

12AI-ით შექმნილი კონტენტი — მნიშვნელოვანი გაფრთხილება

ეს პუნქტი ყურადღებით წაიკითხე — ის შენს უფლებებს ეხება.

დაგენერირებული კონტენტის გამოყენების უფლებას შენ გიტოვებთ ჩვენი მხრიდან შეზღუდვის გარეშე, კომერციული მიზნითაც.
მაგრამ ჩვენ ვერ გაძლევთ გარანტიას, რომ ამ კონტენტზე საავტორო უფლება წარმოიშობა. ბევრ ქვეყანაში მთლიანად ხელოვნური ინტელექტით შექმნილი ნაწარმოები საავტორო უფლებით არ არის დაცული. შესაძლოა სხვამ იგივე ან მსგავსი გამოსახულება გამოიყენოს და შენ ამის აკრძალვა ვერ შეძლო.
ჩვენ ვერ ვაძლევთ გარანტიას, რომ დაგენერირებული კონტენტი არ დაემთხვევა მესამე პირის უფლებებს. AI-მოდელები დამოუკიდებლად მუშაობენ და შედეგი შესაძლოა შემთხვევით მიემსგავსოს არსებულ ნაწარმოებს ან სასაქონლო ნიშანს. გამოქვეყნებამდე შემოწმება შენზეა.
AI ცდება. დაგენერირებული ტექსტი შეიძლება შეიცავდეს უზუსტობას, ხოლო ფოტო — ვიზუალურ ხარვეზს. ყოველი პოსტი შენი დამტკიცების გარეშე არ ქვეყნდება — სწორედ ამიტომ.
AI-პროვაიდერების საკუთარი წესები შეიძლება ზღუდავდეს გარკვეული სახის შინაარსის შექმნას. ჩვენ ამ შეზღუდვებზე პასუხს არ ვაგებთ.
მუსიკა, რომელსაც პლატფორმა გთავაზობს, მხოლოდ ლიცენზირებულია. საკუთარი მუსიკის დამატებისას უფლებებზე შენ აგებ პასუხს.

13სოციალური ქსელები

ანგარიშის დასაკავშირებლად შენ ნებართვას აძლევ ჩვენს პარტნიორ სერვისს, გამოაქვეყნოს კონტენტი შენი სახელით.
დაშვების ტოკენები ინახება დაშიფრულად (AES-256). წვდომის გაუქმება ნებისმიერ დროს შეგიძლია — როგორც ჩვენს პლატფორმაზე, ისე თავად სოციალურ ქსელში.
ამ ქსელების საკუთარი წესები შენზე პირდაპირ ვრცელდება. მათი დარღვევის შემთხვევაში ანგარიშის შეზღუდვა ან დაბლოკვა შესაძლებელია — ამაზე ჩვენ პასუხისმგებლობას არ ვიღებთ.
სოციალური ქსელი შეიძლება ნებისმიერ დროს შეცვალოს ან შეწყვიტოს თავისი API. ამან შეიძლება დროებით ან სამუდამოდ შეაფერხოს გამოქვეყნება.

14აკრძალული გამოყენება

აკრძალულია პლატფორმის გამოყენება:

კანონის, მათ შორის საავტორო უფლებებისა და სასაქონლო ნიშნების, დარღვევით;
სხვა პირის სახელით თავის გასაღებად ან შეცდომაში შესაყვანად;
სიძულვილის ენის, ძალადობის, დისკრიმინაციის, პორნოგრაფიის ან უკანონო შინაარსის შესაქმნელად;
სპამის, მასობრივი ან შეცდომაში შემყვანი რეკლამის გასავრცელებლად;
სისტემის უსაფრთხოების შესამოწმებლად ან გვერდის ასავლელად, სხვისი ანგარიშის წვდომის მოსაპოვებლად;
ავტომატური საშუალებებით ანგარიშების შესაქმნელად ან ლიმიტების ასარიდებლად;
პლატფორმის ან მისი ნაწილის გადასაყიდად, დასაკოპირებლად, დეკომპილაციისთვის ან ანალოგის შესაქმნელად.

ჩვენ უფლებას ვიტოვებთ, დავაწესოთ და შევცვალოთ გამოყენების ლიმიტები — მათ შორის ბოროტად გამოყენების ან უჩვეულოდ მაღალი დატვირთვის აღმოჩენისას.

15ჩვენი ინტელექტუალური საკუთრება

პლატფორმა, მისი კოდი, დიზაინი, სასაქონლო ნიშანი „TacFlow AI", ლოგო და ყველა თანმდევი მასალა ჩვენი საკუთრებაა. ამ წესებით გენიჭება მხოლოდ პირადი, არაექსკლუზიური, გადაუცემელი უფლება, ისარგებლო სერვისით — სხვა უფლება არ გადმოგეცემა.

16ხელმისაწვდომობა და ცვლილებები

ჩვენ ვცდილობთ, სერვისი უწყვეტად მუშაობდეს, მაგრამ უწყვეტ ხელმისაწვდომობას გარანტიას არ ვაძლევთ. შესაძლებელია ტექნიკური სამუშაოები და შეფერხებები.
სერვისი შეიძლება შეიცვალოს: დაემატოს ან მოიხსნას ფუნქციები, შეიცვალოს AI-მოდელები ან პარტნიორები.
ფასის ცვლილების შესახებ გაცნობებთ მინიმუმ 30 დღით ადრე ელფოსტაზე.

17შეჩერება და შეწყვეტა

შენ შეგიძლია ნებისმიერ დროს გააუქმო გამოწერა (§9) ან მოითხოვო ანგარიშის წაშლა TacFlowAi.info@gmail.com-ზე.

ჩვენ შეგვიძლია შევაჩეროთ ან შევწყვიტოთ ანგარიში, თუ:

დაირღვა ეს წესები, განსაკუთრებით §14;
გადახდა ვერ განხორციელდა;
ამას კანონი ან სასამართლო მოითხოვს;
არსებობს თაღლითობის ან სისტემისთვის ზიანის მიყენების საფუძვლიანი ეჭვი.

სადაც შესაძლებელია, წინასწარ გაგაფრთხილებთ და მოგცემთ ხარვეზის გამოსწორების გონივრულ ვადას. მძიმე დარღვევის შემთხვევაში შეჩერება დაუყოვნებლივია.

ანგარიშის დახურვის შემდეგ მონაცემების წაშლის ვადები აღწერილია კონფიდენციალურობის პოლიტიკის §7-ში.

18გარანტიების შეზღუდვა

სერვისი მოწოდებულია „როგორც არის". კანონით დაშვებულ ფარგლებში ჩვენ არ ვიძლევით გარანტიას, რომ:

სერვისი იმუშავებს უშეცდომოდ ან შეუფერხებლად;
დაგენერირებული კონტენტი იქნება ზუსტი, ორიგინალური ან შენი მოლოდინის შესაბამისი;
პლატფორმის გამოყენება მოგიტანს რაიმე კონკრეტულ კომერციულ შედეგს — გაყიდვებს, მოწონებებს ან ჩართულობას.

პლატფორმაზე ნაჩვენები მაგალითები და მაჩვენებლები საილუსტრაციოა და არ წარმოადგენს დაპირებას.

19პასუხისმგებლობის შეზღუდვა

კანონით დაშვებულ ფარგლებში:

ჩვენი ჯამური პასუხისმგებლობა ნებისმიერი მოთხოვნის მიმართ არ აღემატება იმ თანხას, რომელიც შენ გადაიხადე ბოლო 12 თვის განმავლობაში;
ჩვენ პასუხს არ ვაგებთ არაპირდაპირ ზიანზე: მიუღებელ შემოსავალზე, დაკარგულ სარგებელზე, რეპუტაციულ ზიანზე, მონაცემთა დაკარგვაზე;
ჩვენ პასუხს არ ვაგებთ ზიანზე, რომელიც გამოწვეულია მესამე მხარის მოქმედებით — სოციალური ქსელის, AI-პროვაიდერის, ბანკის ან ჰოსტინგის მხრიდან.

ეს შეზღუდვები არ ვრცელდება იმ შემთხვევებზე, როცა კანონი პასუხისმგებლობის შეზღუდვას კრძალავს (მათ შორის განზრახი ქმედება).

20ანაზღაურება

შენ იღებ ვალდებულებას აგვინაზღაურო ზიანი, თუ მესამე პირმა ჩვენ მოგვმართა შენი მოქმედების გამო — კერძოდ, შენ მიერ ატვირთული ან გამოქვეყნებული კონტენტის, ამ წესების დარღვევის ან კანონსაწინააღმდეგო გამოყენების გამო.

21ფორს-მაჟორი

ჩვენ არ ვაგებთ პასუხს ვალდებულების შეუსრულებლობაზე, თუ ის გამოწვეულია ჩვენი გონივრული კონტროლის მიღმა არსებული გარემოებით: სტიქიური უბედურება, ომი, ტერორისტული აქტი, სახელმწიფო ორგანოს გადაწყვეტილება, ელექტროენერგიის ან ინტერნეტის მასშტაბური შეფერხება, ჩვენი პროვაიდერების მწყობრიდან გამოსვლა.

22მოქმედი სამართალი და დავები

ამ წესებზე ვრცელდება საქართველოს კანონმდებლობა.

დავის შემთხვევაში მხარეები შეეცდებიან მოლაპარაკებით მოგვარებას. თუ ეს ვერ მოხერხდა 30 დღეში, დავა განიხილება საქართველოს სასამართლოს მიერ, კერძოდ — თბილისის საქალაქო სასამართლოს მიერ.

მომხმარებელს, რომელიც ფიზიკური პირია, უნარჩუნდება კანონით მინიჭებული ყველა უფლება, მათ შორის საკუთარი საცხოვრებელი ადგილის მიხედვით სასამართლოსთვის მიმართვის უფლება, თუ ამას კანონი ითვალისწინებს.

23ცვლილებები ამ წესებში

წესები შეიძლება შეიცვალოს. არსებითი ცვლილების შესახებ გაცნობებთ მინიმუმ 30 დღით ადრე ელფოსტით ან პლატფორმაზე შეტყობინებით. თუ ცვლილებას არ ეთანხმები, შეგიძლია შეწყვიტო სერვისის გამოყენება. ცვლილების ძალაში შესვლის შემდეგ სერვისით სარგებლობა ჩაითვლება თანხმობად.

24კონტაქტი

ინდივიდუალური მეწარმე მიქაელ დიასამიძე

საიდენტიფიკაციო ნომერი: 01008059967

ელფოსტა: TacFlowAi.info@gmail.com

ვებგვერდი: tacflowai.com